Жамбыл облысы ІІД басшылығының 2014 жылғы бекіткен спорттық іс-шаралар кестесіне орай, КЖБ және «Динамо» ДШСҚ-ның ұйымдастыруымен ІІД қызметкерлерінің арасында қоян-қолтық ұрысынан өткен жарыс өз мәресіне жетті.
Аталмыш шараға Жамбыл облысы МКҚБ ММ, Жамбыл ст.ЖІІБ, 5513 ә/б және ҚАЖД-нен командалар шақырылды. Жарыстың салтанатты ашылуына Жамбыл облысы ІІД КЖБ бастығының орынбасары полиция полковнигі И.Зайнулин және ардагер спортшы, Қазақстан Республикасының 5 дүркін чемпионы, Әлем чемпионатының қола жүлдегері М.Қойшыбек жарысқа қатысушыларға сәттілік тіледі. Салмағы 8 санаттағы 88 қызметкерден тұратын 16 команда жарыста күш сынасты.
Жарыстық қорытындысы бойынша жалпы ережеде командалық есепте ІІД «Арлан» АМБ командасы бірінші орынды иеленсе, екінші орынды ІІД Жылдам қимылдайтын арнайы жасақ командасы тізгіндеп, Тараз қ.ІІБ 3-ПБ қызметкерлері табан тіреді.
Жарысқа қатысқан қызметкерлер ІІД және «Динамо» ДШСҚ-ның кубоктарымен, медальдармен және грамотамен қатар естелік сыйлықтарымен марапатталды.
Жеңіске жеткен үш команда құрамындағы бірінші орынды – 56 келіде Талғат Сейсенов (Тараз қ.ІІБ), 60келіде Нұрлан Сарсенбаев (Арлан), 65 кгеліде Дәурен Алимбетов (Арлан), 71келіде Жандос Алаберді (ЖҚАЖ), 78 келіде Саяхат Арызбаев (ІІД), 86келіде Нұрлан Еденов (Арлан), 95 келіде Ардақ Шоңғарбаев (Арлан), 95 келіден жоғары салмақта Жомарт Мамбетов (Арлан) иеленді.
Жоғарыда аталған жеңімпаздар ағымдағы жылдың маусым айында Қазақстан Республикасы ІІМ-нің ұйымдастыруымен Атырау қаласында өткізілетін жарыста Жамбыл облысы ІІД командасының құрамы атынан жамбылдық полицейлардың намысын қорғайды.
Жамбыл облысы ІІД Баспасөз қызметінің
басшысы Гүлсара Мұхтарқұлова
