Жамбыл қаласында қызметтік борышын атқару кезінде қаза тапқан полиция қызметкерлерін еске алуға арналған волейболдан турнир өтті

Биыл полиция капитаны Ғазиз Байтасов, полиция сержанттары Полат Аянқұлов пен Жақсыбек Байсейітов, сондай-ақ Ұлттық қауіпсіздік комитетінің қызметкерлері Мұхтар Халиев, Сергей Косьяненко ерлікпен қаза тапқанына 10 жыл толды. Өз өмірлерінің бағасымен олар террористік актінің алдын алды.

10 қарашада «Динамо» спорт кешенінде Жамбыл облысы полиция департаментінің бастығы, полиция генерал-майоры Жанат Сүлейменов қызметтік борышын атқару кезінде қаза тапқан қызметкерлерді еске алуға арналған волейболдан турнирді ашты. Бұл турнир Жамбыл облысының әкімі Бердібек Сапарбаевтың бастамасымен өтті. Турнирдің ашылу салтанатына халық қаһарманының ұлы Арманжан Әбдібеков қатысты. Ойын басталар алдында қатысушылар қаза тапқан әріптестерін бір минут үнсіздікпен еске алды. Ғазиз Байтасовтың ұлы Арманжан полицейлерге полиция капитанына құрмет көрсетуге арналған іс-шараларды ұйымдастырғаны үшін алғыс айтып, командаларға табыс тіледі. Салтанатты ашылу рәсіміне күш құрылымдарының басшылары, атақты спортшы Елдос Сметовтың жаттықтырушысы Ғалымжан Жылгелдиев қатысты.

Екі күн ішінде 11 команда жарысты, олардың құрамына күш құрылымдарының қызметкерлері, ІІО ардагерлері кірді.

Жарыс қорытындысы бойынша әділ және табанды күресте келесі командалар жүлделі орындарға ие болды: бірінші — ҚР ҰҚК Шекара қызметі департаменті, екінші — полиция департаменті, үшінші – ҰҚК департаменті. «Жеңіске деген жігері үшін» ҚР Ұлттық ұланының 5513 ә/б командасы марапатталды, ал 5 волейболшы түрлі номинациялар бойынша марапатталды. Барлық жеңімпаздар кубоктар, дипломдар және «Динамо» ФСО медальдары, сондай-ақ бағалы сыйлықтар алды.

Серіктестер
Видео