Жамбыл облысындағы полицейлер әулеті

Жамбыл облысының Полиция департаментінде полиция әулеттерінің жалпы еңбек өтілі 300 жылдан асады, – деп хабарлайды Polisia.kz. Ұрпақтар сабақтастығы – бұл отбасында атадан балаға мирас болып сақталған, ұрпақтан ұрпаққа озық дәстүрді, алдыңғы аға буынның ерлік дәстүрлерін мұра ететін тарихи қалыптасқан жалғастық. Мұндай әулеттер – өз ісіне шынайы берілген, ғұмырындағы жұмыс тәжирибесі мен естеліктерін ерекше құрметтейтін отбасылар. Осы әулет кәсібінің әлеуметтік-мәдени маңызы мен беделі, сондай-ақ жоғары адамгершілік салты мен дәстүрлері маңызды рөл атқарады. Олардың өз ісіне деген адал көзқарасы жас ұрпақтың шынайы қызығушылығын тудырып, осындай қабырғалы еңбеккерлердің үлгісін ұстануға шақырады. Мұндай әулеттер отбасылық құндылықтарды нығайтады, берік және тату отбасының негізі болып табылады. Полицейлер әулеті – ерекше тақырып, өйткені ұлдары, қыздары мен немерелері жас кезінен бастап қандай қиындықтар мен сынақтардан өту керектігін біліп, әкелер ісін жалғастыруда. Милиция-полиция туралы тек фильмдер мен көптеген сериалдар арқылы ғана білетіндер құқық қорғау органдарының қызметкері мамандығының қаншалықты қиын екендігін жақсы түсінеді. Жамбыл облысындағы полицейлер әулеті ІІО қызметкерлерінің жас буынының кәсіби қызметіне, адамгершілік және патриоттық тәрбиелеу ісіне елеулі үлес қосуда. Жамбыл облысының Полиция департаментінде барлық полиция әулеттерін ерекше ризашылықпен еске алып, құрметтейді. Бізде әр кезеңде ішкі істер органдарында қызмет еткен және қызмет ететін үш буын өкілдері бар. Олардың жалпы еңбек өтілі 300 жылдан асады! Демесіновтер мен Зайнулиндер отбасыларында төрт адам – ІІО қызметкерлері, ал Дүйсебаевтар, Намазбаевтар, Тұрмановтар мен Оразбековтердің отбасыларында- үш адамнан. Сонымен қатар, Сарысу ауданында тұратын Сатмахановтар отбасының әйгілі әулетін ерекше атап өткім келеді, онда жеті адам- атасынан немерелеріне дейін полицияда старшинадан подполковникке дейінгі түрлі лауазымдарда қызмет атқарды және қазіргі таңда олардың кейінгі буыны да полиция қатарында сап түзеп жұмыс жасауда. Айта кетерлігі, Жамбыл облысында 70-тен астам полицейлер отбасы жұмыс істейді, олардың екі ұрпағы – әкесі, ұлы немесе қызы ішкі істер органдарында жұмыс жасап, қазір де қызмет атқаруда. Бұл – Егембердиевтер, Ширимбековтер, Дүйсеновтер, Темірбековтер, Сабаевтар,Келлер, Халматовтар, Ережеповтер, Абдуллиндер, Қалжановтар, Дуйновтар, Алашбаевтар, Қапаровтар, Иманбаевтар, Омаровтар, Дулатбаевтар, Құлсеріковтер, Мұсаевтар және басқа әулеттер. “Қазақстандағы Отбасы күні” мерекесі қарсаңында мен полиция әулеттерінің әрбір буын өкілімен шағын сауалнама жүргіздім. Алдымен аға буын өкілдеріне, әулеттердің негізін қалаушыларға сұрақ қойдық: – Құрметті ардагерлер, полицейлер әулеті қандай берік қасиеттерімен ерекшеленеді? – Бірнеше ұрпақ өкілін даңқты ерлік дәстүрлері және полицияның күнделікті жұмысын насихаттау, батыл және адал адамдар туралы естеліктер, ортақ іс біріктірген кезде, әсіресе мақсатына берік полиция қызметкері сияқты мамандық туралы сөз болғаны өте маңызды. Ішкі істер органдары өкілдерінің әулеттері кейінгі буын өкілдерімен тәжірибе бөлісіп, оларға дұрыс бағдар беруде. Тәртіп сақшыларының отбасында тәрбиеленгендер үшін полиция қызметкері өз отбасымен бірге барлық қиыншылықтарды көтеретіні белгілі. Құқық қорғау органдарының әрбір қызметкерінің міндетті түрде өзінің сенімді қорғаны- отбасы болуы тиіс! Полиция әулеттерінің қазіргі жас буын қызметкерлері: “Сіз үшін отбасының маңызы қандай? Қазіргі кезеңдегі полиция қызметкері қандай қасиеттерге ие болуы керек?”деген сұраққа мынадай жауап берді: Отбасы-қоғамның басты іргетасы! Полиция қызметкері үшін отбасы – бұл адамзат ойлап тапқан ең жақсы мұра! Тек берік дәстүрлері бар бақытты отбасында балалар жұмысқа жауапкершілікпен қарауды және парасат- пайымды оята алады. Ішкі істер органдарында бірнеше буын қызмет ететін отбасыларда аға ұрпақ нағыз патриотизмнің, офицердің ар-намысы мен қызметтік борышының жарқын үлгісі болып табылады. Бүгінгі таңдағы полиция қызметкері-бұл құқықтық базаны үнемі жетілдіріп отыратын, тапсырылған жұмыс учаскесіне жауап беретін, тиянақты, сауатты және адал жұмыс істейтін, жоғары моральдық қасиеттерге ие және өзінің қиын мамандығын жақсы көретін қызметкер! Жамбыл облысы полицейлерінің атынан қазақстандықтарды жылулық сыйлайтын мереке – Отбасы күнімен құттықтаймын! Өнегелі ұрпақ тәрбиелеп отырған сіздерге денсаулық пен махаббат, сәттілік пен амандық тілеймін! Әрқашан отбасымыз аман болсын!