Турнирдің ашылу салтанатына ҚР Парламенті Сенатының депутаты Абдалы Нұралиев, мемлекеттік қайраткер, Жамбыл облысының Құрметті азаматы Мұратбай Жолдасбаев, облыстық ПД консультативтік-кеңесші органының төрағасы, Қазақстанның Еңбек Ері Мұқаш Ескендіров, Ұлттық қауіпсіздік комитеті облыстық департаментінің бастығы Марат Ирменов, Мемлекеттік кірістер департаментінің бастығы Қайрат Қармандаев, қылмыстық-атқару жүйесі департаментінің бастығы Теңізжан Жәнібеков, Ғазиз Байтасовтың ұлдары Арманжан және Әділжан қатысты.
«Динамо» дене шынықтыру-спорт кешенінде Халық Қаһарманы Ғазиз Байтасовты еске алуға арналған волейболдан облыстық турнир өтті. Шараны Жамбыл облысының полиция департаменті ұйымдастырды. Спорттық іс-шара барлық санитарлық нормаларды сақтай отырып өтті. Үздік атағы үшін 10 команда бақ сынасты. Турнир қорытындысы бойынша 1 орынды ҰҚКД командасы, 2 — ші сатыға «Қазфосфат» ЖШС командасы, 3 — ші орынға полиция департаментінің командасы, 4-ші орынға Төтенше жағдайлар департаментінің командасы ие болды.
