Алматыда «Динамо» стадионында Халықаралық балаларды қорғау күніне және Қазақстан полициясының 30 жылдығына арналған «Жас Динамо марафоны» әскери-спорттық мерекесі өтті. Оған әскери қызметшілер мен құқық қорғау органдары, күштік және қаланың басқа да арнайы құрылымдары қызметкерлерінің балалары, сондай-ақ қызметтік борышын орындау кезінде қаза тапқан полиция қызметкерлерінің отбасыларынан шыққан балалар қатысты. Іс-шараға кадет сыныптарының, әскери-патриоттық клубтардың, «Жас Динамо» спорт секцияларының, қамқорлыққа алынған балалар үйлерінің, мектеп-интернаттардың тәрбиеленушілері, сондай-ақ ювеналды полиция есебінде тұрған кәмелетке толмағандар қатысты. Спорттық мерекенің басты мақсаты – салауатты өмір салтын насихаттау, балаларды дене шынықтырумен және спортпен айналысуға белсенді тарту, жастарды патриоттық тәрбиелеу, оқушыларды кәсіптік бағдарлау және жасөспірімдер арасында құқық бұзушылықтың алдын алу. Салтанатты ашылуда қатысушылар шеруі өтті. Балалар түрлі спорттық сайыстар мен эстафеталық сайыстарға, 60 және 100 метрге жүгіруге, дартс, шағын футбол жарыстарына, сондай-ақ бөлшектеу және автомат жарыстарына қатысты. Алматы қаласы Полиция департаментінің жедел әрекет ету жасағының көрсетілімдері, Алматы сән және дизайн колледжінің дефилесі, балалар жұмыстарының көрмесі ұйымдастырылды. Мерекеге қатысушыларға тегін балмұздақ, ауыз су және тәттілер ұсынылды. Іс-шараға құқық қорғау органдары мен күш құрылымдарының, мемлекеттік, спорттық және қоғамдық ұйымдардың басшылары, атақты қазақстандық спортшылар мен жаттықтырушылар қатысты.
