Тағы да – «қола»…
Азия чемпионатында қазақстандық «Динамо» өкілі, Қазақстанның жеті дүркін чемпионы, ядро лақтырудан халықаралық дәрежедегі спорт шебері, 2016 жылғы Олимпиада ойындарында Азия континентінің жалғыз өкілі болған Иван Иванович Иванов қола медалін жеңіп алды.
Бангкокта (Тайланд) Иван Иванов Үндістаннан келген спортшы 20.23 көрсеткішімен чемпион атанған Сингх Тур Тажиндерпал мен 19.98 метр көрсеткіш көрсеткен ирандық Сабери Мехдиді алға жіберіп, 19,87 метрде нәтиже көрсетті.
Азия чемпионатындағы «қола» — Иван Ивановичтің спорттық мансабындағы екінші қоласы. Дәл осындай құрметті ол 2017 жылы иеленген.
Ал енді ересектер бойынша…
Қазақстандық спортшы – Эдуард Ким 20-шы Әлем чемпионатында су спорты түрлері бойынша көркем жүзу пәніндегі -техникалық солодан (ерлер) қола медаль жеңіп алды. Бұл туралы Қазақстанның Су спорт түрлері федерациясы хабарлады.
Фукуокада (Жапония) өтіп жатқан әлем чемпионаты жүзу, су полосы, ашық суда жүзу, суға секіру және көркем спортшылар арасында медальдарды ойнатуда.
Алдын ала кезеңде Эдуард үздік бестікке кірді, нәтижесінде Колумбия мен Франция өкілдерін жеңіп, үшінші орынға ие болды. Жарыстың осы түріндегі құрмет тұғыры келесідей болды: «Алтынды» — испандық Фернандо Диаз, екінші орынды Кеннет Годе (АҚШ) иеленді. Эдуард Ким қазірдің өзінде әлем чемпионатының жүлдегері болды, бірақ жасөспірімдер арасында. Жапониядағы медальды чемпионат динамошылар үшін алғашқы ересектер сынағы болды, бұл сынақтан Эдуард лайықты өтті.
Париж жолында тағы бір қадам…
Күрес түрлері бойынша ұлттық құраманың өкілдері олимпиадалық лицензиялар үшін жарысты жалғастыруда.
Венгрия астанасында халықаралық рейтингтік турнир өтті, онда қазақстандық балуандар 10 медаль жеңіп алды. Бұл оларға жалпы командалық орында екінші орынға орналасуға мүмкіндік берді.
Жүлдегер -«Балуандар» арасында – «Динамо» қоғамының мүшелері де бар.
61 келі санатында күміс медальді Дастанбек Осимжан, қола жүлделерді Қайсанов Данияр (79 кг), Айтмұхан Ризабек (92 кг), Ерғали Әлішер (97 кг) жеңіп алды.
Аммандағы (Иордания) Азия чемпионатында грек-рим күресінен «Динамоның» жас өкілдері де сәтті өнер көрсетті. Айбек Айтбеков 55 келі салмақ дәрежесінде финалға жолдама алды, алайда қарсыласынан жеңіліп қалды. Айтбеков күміс жүлдегер. Қола медальдарды 72 және 92 келі салмақ дәрежесінде Мерей Мәулетқанов пен Юсуп Мациев жеңіп алды.
